Pōti
Mehemea neke atu te maha o ngā whakarewanga ingoa i tae mai i te maha o ngā tūranga wātea, ka tū he pōtitanga.
Mehemea kei te rārangi pōti koe o ngā mātua, o ngā kaimahi, o ngā ākonga rānei mō tētahi pōtitanga poari kei te haere i tō kura, ka taea e koe te pōti mō te kaitono pai ki a koe.
Ka whiwhi ngā kaipōti whai mana i ō rātou puka pōti me ngā kōtaha kaitono (ahakoa ā-pepa, ahakoa tuihono te hōputu) 28 rā neke atu rānei i mua i te rā pōtitanga.
Mehemea he kaipōti whai mana koe, engari kāore anō koe kia whiwhi puka, tēnā whakapā atu ki tō kura.
Me pēhea te pōti?
Āta titiro ka whai hua tō pōti mā te pānui, me te noho mārama ki te ara pōti i te tuatahi.
Tuatahi, kimihia ngā kōrero mō ngā kaitono mā te pānui i ngā kōtaha.
Ka whakarārangitia te maha o ngā kaitono ka taea e koe te pōti i te puka pōti - heoi anō, kia tūpato, kaua e pōti mō ngā kaitono maha atu i ngā tūranga wātea, ki te pērā, ka mana-kore tō pōti.
Arā te whānuitanga o ngā ara mō te whakahoki i ō pepa pōti - kaua e wareware, whakahokia i mua i te rā kati!
He aha ngā āhuatanga ka pā i muri atu i te pōtitanga?
Ka pānuitia ngā hua ki te ao, ā, kua pōtitia te hunga whiwhi i te maha rawa o ngā pōti.