Ngā kanohi kaimahi

Ka pōtitia te kanohi kaimahi e ngā kaimahi kura hei te pōtitanga kaimahi.

Ka tū tēnei pōtitanga ia toru tau, i te wā tonu o te pōtitanga mātua.

Ka kīa tahitia ēnei pōtitanga e rua ko ngā pōtitanga ā-toru tau.

Ka noho te kanohi kaimahi ki tōna poari taea noatia ngā pōtitanga toru tau whai i muri.

Me noho he kanohi kaimahi ki ia poari kura.

Ko rātou te reo o ngā kaimahi ki te poari, rite tonu ki te noho o ngā kanohi mātua, kanohi ākonga, hei reo mō ngā hapori mātua, ākonga hoki o te kura.

Kāore i rerekē te wāhi ki te kanohi kaimahi i tō ētahi atu mema poari.

He taurite tonu te mana, te reo, te noho haepapa, engari kāore e taea te noho hei mema ārahi (kāore hoki e taea e te tumuaki, e te kanohi ākonga rānei).

Ki te kore tētahi kanohi kaimahi e kaha ki te whakaoti i tana wāhanga noho (hei tauira, ki te tukua e ia tana tūranga i te kura) me whakakī te tūranga mā tētahi pōti motuhake.

I mua i te pikinga atu o tētahi tangata hei mema poari kura, me mātua whakaū kua tutuki i a ia ngā paearu āheingaopen_in_new me te waitohu hoki i tētahi whakapuaki āheinga.

Hei kimi i ētahi atu mōhiotanga mō te tū hei kanohi kaimahi , kōrero ki tō tumuaki, ki tō mema ārahi rānei.

Tētahi, tirohia tā mātou aopen_in_newratohu mō ngā mema Hapori mō te mahi o ngā poari kuraopen_in_new me ā mātou akoranga Kōrari mō Te Hunga e Whai ana kia Tū hei Mema Poariopen_in_new.