Ngā kanohi ākonga

Ka pōtitia te kanohi ākonga e ngā ākonga kura ia tau hei te pōtitanga ākonga.

Ka tū tēnei pōtitanga ia Hepetema, ā, ka noho te kanohi ākonga ki tōna poari taea noatia te pōti o te tau o muri atu.

Me noho he kanohi ākonga ki ngā poari o ngā kura kāwanatanga me ngā kura haumi whai ākonga kei runga ake i te Tau 9 (hāunga ngā kura whai tūtohinga motuhake e kī ana, kāore e herea kia whai kanohi ākonga).

Kāore i rerekē te wāhi ki te kanohi ākonga i tō ētahi atu mema poari.

He taurite tonu te mana, te reo, te noho haepapa, engari kāore e taea te noho hei mema ārahi (kāore hoki e taea e te tumuaki, e te kanohi kaimahi  rānei).

Ko rātou te reo o ngā ākonga ki te poari, rite tonu ki te noho o ngā kanohi mātua, kanohi kaimahi, hei reo mō ngā hapori mātua, kaimahi hoki o te kura.

Ka hopohopo pea te tangata ki te tū hei kanohi ākonga, engari arā anō ngā āwhina me ngā tautoko e wātea ana ki a koe.

He maha ngā hua o te whai kanohi ākonga, pēnei i te noho mai o tētahi reo mō ngā āhuatanga o te whakaruruhau o te kura, te whiwhinga mōhiotanga, tautōhito hoki - he rawe mō te tāhuhu tangata!

Ahakoa ko wai te ākonga kua rēhitiatia i te Tau 9, neke atu rānei, kei raro hoki i te 20 tau, ka āhei ki te tū i te pōtitanga, ki te pōti hoki.

I mua i te pikinga atu o tētahi tangata hei mema poari kura, me mātua whakaū kua tutuki i a ia ngā paearu āheingaopen_in_new me te waitohu hoki i tētahi whakapuaki āheinga.

Hei kimi i ētahi atu mōhiotanga mō te tū hei kanohi ākonga, kōrero ki tō tumuaki, ki tō mema ārahi rānei.

Tētahi, tirohia tā mātou aopen_in_newratohu mō ngā mema Hapori mō te mahi o ngā poari kuraopen_in_new me ā mātou akoranga Kōrari mō Te Hunga e Whai ana kia Tū hei Mema Poariopen_in_new.