Te piki atu hei mema poari
Kei te whakaaro koe mō te piki atu ki tētahi poari kura?
E tiakina ana te nuinga o ngā kura o Aotearoa e tētahi poari kura.
He rōpū tāngata tēnei e mahi tahi ana, me ngā kaimahi, ākonga hoki, ngā whānau, ngā mātua, me te hapori whānui kē atu, kia puta ai he painga nui mō te akoranga o ngā tamariki!
Ka takea mai te kaha o tētahi poari i tana hapori, nā reira he rawe ki a rātou te taenga mai o ngā tāngata mai i ngā momo hapori maha – he mea nui tōu reo me tō tautōhito.
Kei tēnei mea te poari tētahi huinga o ngā mema nō te kura, me ētahi mema nō te hapori kura whānui kē atu.
Ko ngā mema o tētahi poari kura rite ki te nuinga ko:
· Te tumuaki
· Ētehi kanohi nō ngā mātua e 5 - he mea pōti e te hapori o ngā mātua
· Kotahi kanohi kaimahi - he mea pōti e ngā kaimahi
· Kotahi kanohi ākonga (i roto i ngā kura whai ākonga kei runga ake i te Tau 9) - he mea pōti e ngā ākonga
Tērā pea ka whai mema te poari i āta rapua, mema i kopoua rānei.
Ka āhei ngā poari o ngā kura haumi me ngā kura Kaupapa Māori, me ngā kura tūāhua i āta tohua, kia rerekē ō rātou mematanga.
Hei tauira, ka āhei ngā kura haumi te whai mema i āta tohua e te rangatira o te kura.
Tata tonu ngā tāngata katoa! Ehara i te mea me mātua, me kaitiaki rānei koe mō tētahi tamaiti i te kura, engari kia ngākau hihiko, kia pai ō pūkenga whakawhiti whakaaro, kia pai hoki tō mahi i tētahi tira.
Kei tēnā mema poari, kei tēnā mema poari ōna pūkenga, tautōhito hoki.
Mehemea he mātau koe ki te rāngai mātauranga ko te painga atu tērā. Tēnā pea he matatau koe ki ngā āhuatanga ahumoni, ki te whakahaere tāngata, te mātauranga me te māramatanga ki ētahi hapori i roto i tōu kura, kua tautōhito rānei ki te mahi i roto i tō kura me ngā hapori whānui kē atu.
I mua i te pikinga atu o tētahi tangata hei mema poari kura, me mātua whakaū kua tutuki i a ia ngā paearu āheingaopen_in_new.
Tā Te Whakarōpūtanga (NZSBA) he tāpae i te huhua o ngā whāinga wāhi ki te ako, ki te whanake, tētahi Pūtahi Tohutohu, Tautoko hoki, tētahi tira kaitohutohu i roto i ngā rohe, ngā īmēra pūputu me ngā kōrero hou rawa mō te rāngai, me tētahi pūtahi Rauemi, kei reira ngā mea maha, mai i ngā rārangitaki me ngā tātauira, tae noa ki ngā tuhinga me ngā ataata.
Tēnā whakapā atu ki tō kura ā-takiwā mō ētahi atu kōrero mō ngā pōti me ngā tūranga wātea e heke mai nei.
Haere ki tētahi hui poari kia kite ā-kanohi i ngā mahi.
Tirohia tā mātou aratohu mō ngā mema Hapori mō te mahi o ngā poari kuraopen_in_new me ā mātou akoranga Kōrari mō Te Hunga e Whai ana kia Tū hei Mema Poariopen_in_new.
Te Whakarewa Ingoa me te Pōti:
Mō ngā kanohi kaimahi, ākonga hoki:
